Rikthimi i Piolit në Serie A

Stefano Pioli gati të nisë aventurën e re te Fiorentina

Trajneri italian Stefano Pioli është shumë pranë rikthimit në Serie A, kësaj here në pankinën e Fiorentinës. Siç raporton gazetari i njohur Fabrizio Romano, Pioli pritet të largohet nga Al Nassr për t’u emëruar trajneri i ri i ekipit vjollcë.

“Vendimi është marrë,” shkruan Romano në rrjetet sociale, duke theksuar se klubi italian e sheh Piolin si njeriun e duhur për projektin e ri sportiv. Pas përvojës në Arabinë Saudite, ish-trajneri i Milanit është gati të hapë një kapitull të ri në karrierën e tij.

Një tjetër element interesant i këtij transferimi është fakti që Edin Dzeko është një nga objektivat kryesorë të Piolit për të përforcuar sulmin e Fiorentinës. Sulmuesi boshnjak shihet si një lojtar me përvojë që mund të ndihmojë ekipin në sezonin e ardhshëm.

Ky zhvillim pritet të konkretizohet në ditët në vijim, me klubin që është në fazat finale të marrëveshjes.